«Ўзгидромет» байрам кунлари учун яхши хабарни эълон қилди
Байрам кунлари Ўзбекистон ҳудуди бўйича қуруқ ва асосан кам булутли об-ҳаво сақланиб туради. Республиканинг барча вилоятларида ҳароратнинг кўтарилиши давом этади.
Кейинги ҳафтанинг бошига келиб, ҳаво ҳарорати кечалари 9-14 даража, кундуз кунлари 25-30 даража, республиканинг чўл ҳудудларида ва жанубда баъзи жойларда 32-35 даражагача кўтарилади. Фақат шимолда ва чўл ҳудудларда баъзи жойларда шамол 15-18 м/с гача кучайиши мумкин.
Ўзбекистоннинг тоғли ҳудудларида ҳам илиқ ва қуруқ об-ҳаво бўлади. Тоғларда ҳарорат кечалари 4-9 даража илиқ, кундуз кунлари 15-20 даражагача кўтарилади.
Шундай қилиб, табиатда дам олишни яхши кўрадиганлар қулай об-ҳаводан баҳраманд бўлишлари мумкин.
Эслатиб ўтамиз, Рамазон ҳайити кунлари ўзбекистонликларга кетма-кет 4 кун дам олиш берилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter