Ўзбекистон U-20 ҳужумчисида тақиқланган модда аниқланди
Осиё Кубоги U-20да чемпион бўлган Ўзбекистон ёшлар жамоаси ҳужумчиси Шаҳриёр Жабборовда тақиқланган модда аниқланди. Бу ҳақда ОФК тартиб интизом ва этика қўмитаси маълум қилди.
«Пахтакор» аъзосининг чоракфинал доирасидаги Австралияга (1:1, пен — 5:3) қарши ўйиндан кейин топширган допинг тести шундай натижа берган. Ўша беллашувда Жабборов 64-дақиқада захирадан майдонга тушиб, Зафармурод Абдураҳматовнинг голига ассистентлик қилганди.
Якуний қарор қабул қилингунича футболчининг лицензияси вақтинчалик тўхтатиб турилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter