Новак Жокович 40-бор “Мasters” турнирида ғолибликни қўлга киритди
Бу Жоковичнинг ушбу мавсумдаги олтинчи, фаолиятида давомидаги тўқсон еттинчи соврин ҳисобланади.
Жаҳоннинг биринчи рақамли теннисчиси Новак Жокович Франция пойтахтида ўтказилган Rolex Paris Masters турнирида ғолиб чиқди. У финалда болгариялик Григор Дмитровдан устун келди.
Сербиялик теннисчи ўтган ҳафтада ўзини ёмон ҳис қилаётганини айтганди. Бироқ бу ҳолат унинг навбатдаги совринни қўлга киритишига тўсқинлик қила олмади.
Шу тариқа Жокович 1 соат 38 дақиқа давом этган финал баҳсида дунё теннисчилари рейтингида17-ўринда бораётган рақибини икки сетда 6:4, 6:3 ҳисобида доғда қолдириб, Париж турнирининг етти карра чемпионига айланди.
36 ёшли спортчи учун бу жорий мавсумдаги 6-соврин ҳисобланади. У шу пайтгача “Мasters” таснифидаги турнирда 40 марта ғолиб чиқишга муваффақ бўлди. Новак Жокович фаолияти давомида 97 та турнирда тенгсиз деб топилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter