Нодирбек «Norway Chess 2023» турнири блиц йўналишида ғолиб бўлди
Норвегиянинг Ставангер шаҳрида бўлиб ўтаётган «Norway Chess 2023» турнирининг блиц йўналишида гроссмейстер Нодирбек Абдусатторов 9 имкониятдан 6 очко жамғариб, ғалабага эришди.
Шунингдек, у блиц рейтингини 2700 дан ошириб олган.
Бугун классик йўналишда дунёнинг энг кучлилари ўртасида турнирга старт берилади ва 9 июнга қадар давом этади. Унда Магнус Карлсен, Алириза Фирузжа ва дунёнинг бошқа етакчи шахматчилари ҳам иштирок этади.
«Norway Chess 2023» турнири соврин жамғармаси 2,5 миллион крон (тахминан 243 минг доллар) бўлиб, ғолиб 750 минг крон (тахминан 67,6 минг доллар) олади.
Эслатиб ўтамиз, Нодирбек шахмат бўйича ChessKid Cup–2023 онлайн мусобақаси гранд финалида ҳам америкалик Фабиано Каруанага қарши дона сурган ва ғолиб бўлган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter