Нидерландия бош вазири «фаррошлик» қилди (видео)
Нидерландия бош вазири Марк Рютте мамлакат парламенти биносида «фаррошлик» қилиб ижтимоий тармоқлар қаҳрамонига айланди. Маҳаллий «NOS» телеканалининг хабар беришича, шошилинчда қўлидаги қаҳвасини тўкиб юборган Рютте бирпасда ҳаммаёқни ёғ томса ялагудек тозалаб қўйган.
Бу воқеага гувоҳ бўлган журналист Ирин Оствеен видеони тармоққа жойлади.
Очиғи, кутилмаган воқеа кўпчиликни лол қолдирди.
«BBC»нинг Туркия хизмати маълум қилишича, воқеа 4 июнь куни Нидерландия парламенти биносида содир бўлган. 5 июнь куни ярмига келиб видеони тўққиз мингдан ортиқ одам томоша қилди. Фойдаланувчилар Рюттенинг хатти-ҳаракатларини олқишлашди ва ижтимоий тармоқлар орқали видеони фаол улашишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter