Аввал хабар қилинганидек, янги турдаги коронавирус инфекцияси COVID-19 нинг мамлакатимизга кириб келиши ва тарқалишини олдини олиш мақсадида бир гуруҳ ватандошларимиз хориждан қайтарилган эди. Жумладан, Эрондан олиб келинган 37 нафар ва Латвия давлатидан қайтган 175 нафар киши Тўрақўрғон туманидаги юқумли касалликлар шифохонаси ҳамда «Косонсой» сиҳатгоҳида карантин кузатувига олинган эдилар. Бугун улар карантин муддатини тамомладилар.

14 кун мобайнида карантин кузатувида бўлган 212 нафар юртдошимиздан 187 нафари республикамизнинг турли ҳудудларида истиқомат қилишлари инобатга олиниб, «Ўзбекистон темир йўллари» АЖ томонидан «Наманган-Тошкент-Урганч» йўналишида ҳаракати йўлга қўйилган 901-сонли махсус йўловчи поездида ўз яшаш манзилларига етказиб қўйилади.

Тўлиқ дeзинфекцияланган вагонлардан ташкил топган мазкур йўловчи пойезди 31 март куни соат 09: 00да Наманган темир йўл вокзалидан жўнаб кетди. Ҳаракат жадвалига кўра поезд 1 апрел куни соат 14: 57 да Урганч вокзалига кириб боради.