Магнус Карлсен тахтни бўшатди. Шахмат бўйича жаҳоннинг 17-чемпиони аниқланди
2013 йилдан буён жаҳон чемпионлигини ўзида сақлаб келган Магнус Карлсен бу унвонни ҳимоя қилишдан воз кечганди.
Шундан кейин чемпион жаҳон рейтингида иккинчи ва учинчи ўринни эгаллаб турган россиялик Ян Непомняшчий ва хитойлик Динг Лижэн чемпионлик тожи учун курашди.
Шу йилнинг 9 апрелида бошланган баҳснинг асосий қисми 14 партиядан иборат бўлди ва 7:7 ҳисобида якунланди. Ғолиб 30 апрел куни ташкил этилган тай-брейкда аниқланди.
Тезкор шахмат бўйича тўрт партия ўйналган тай-брейкда дастлабки уч баҳсда дуранг қайд этилди, тўртинчисида эса оқ доналарда ўйнаган Непомняшчий ютқазиб қўйди. Шу тарзда Динг Лижэн тарихдаги 17-жаҳон чемпиони бўлди. Шунингдек у Хитойдан бўлган илк чемпионга айланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter