Тошкентнинг «Локомотив» клуби Осиё чемпионлар лигаси гуруҳ босқичидан ўрин олган 1-тур учрашувида БААнинг «Ал-Ваҳда» клубини қабул қилди.

Учрашувнинг 4-дақиқасида Темурхўжа Абдухолиқов боши билан зарба бериб, ҳисобни очди. Ўйинга қўшиб берилган дақиқаларда «Локомотив» сардори Ислом Тўхтахўжаев жарима зарбасидан ҳисобни 2:0га етказди. Шу тариқа Андрей Фёдоров шогирдлари ОЧЛ гуруҳ босқичини ғалаба билан бошлади.

ОЧЛ. «В» гуруҳи

«Локомотив» — «Ал-Ваҳда» 2:0

Голлар: Темурхўжа Абдухолиқов (4), Ислом Тўхтахўжаев (90+3)

«Локомотив»: Жавоҳир Илёсов, Анзур Исмоилов, Жамшид Искандеров (Алишер Шоғуломов, 68), Сардор Мирзаев, Темурхўжа Абдухолиқов, Ҳусниддин Ғофуров (Арслонмурод Амонов, 79), Ислом Тўхтахўжаев, Йован Жокич, Давронбек Ҳошимов, Олег Зотеев, Диёржон Туропов.

«Ал Ваҳда»: Муҳаммад Ал Шамси, Муҳаммад Баргаш, Ҳамдан Ал Камоли, Аҳмад Рашид, Ҳуссайин Аббос (Ҳалил, 35), Муҳаммад Абдулбосит (Тариқ Ал Ходаим, 62), Рим Чанг Ву, Султон Ал Гафри, Мансур Ал Харби (Муҳаммад Рашид, 75), Леонардо, Себастьян Тальябуэ.

Огоҳлантиришлар: Даврон Ҳошимов 8, Муҳаммад Абдулбосит 14.

Бош ҳакам: Ко Хюнг Жин (Ж.Корея)