Кинорежиссёр Баҳром Ёқубов оламдан ўтди
Таниқли кинорежиссёр Баҳром Ёқубов 60 ёшида оламдан ўтди. Режиссёр ўтган йили «Антиқа ажрашиш» номли фильмни суратга олган эди.
Баҳром Яқубов 1961 йилда Тошкент шаҳрида туғилган. А.Н.Островский номидаги Тошкент театр ва рассомлик институтининг актёрлик факультетини тугатган. Узоқ йиллар «Ўзбекфилм» ва «Ўзбектелефилм» студияларида режиссёр ёрдамчиси бўлиб ишлаган.
Режиссёр ижодидаги илк қадамларини 1989 йилда «Ёш ёзувчининг кундалиги» номли қисқа метражли фильмни тасвирга олишдан бошлаган.
Ижодий фаолияти давомида «Сарвиноз», «Бахт учун миллион», «Ташландиқ», «Ёндиради, куйдиради», «Фотима ва Зуҳра», «Суғдиёна», «Жодугар», «Мажруҳ», «Ичкуёв», «Суперкелинчак», «О, Марям, Марям» каби кўплаб фильмларни суратга олган.
Ҳозирга қадар Баҳром Ёқубов 10 дан ортиқ бадиий ва бир қатор ҳужжатли фильмларни суратга олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter