Футбол мухлисларининг орзуси: жаҳон чемпионати кубоги февралда Тошкентга олиб келинади
2018 йил февраль ойининг бошида Тошкентда катта воқелик рўй беради — ФИФА ва «Coca-Cola» томонидан Жаҳон чемпионати кубоги юртимизга олиб келиниши кутилмоқда. Бу ҳақда ЎФФ ахборот хизмати хабар берди.
Эслатиб ўтамиз, Жаҳон чемпионати кубогининг турнеси 2017 йил сентябрь ойида Москва шаҳридаги «Лужники» стадионидан бошланган. Ушбу турга Россия Федерацияси Президенти Владимир Путин, ФИФА президенти Жанни Инфантино, Жаҳон чемпионлари — Бебето ва Давид Трезеге старт беришганди.
Тошкентга келишидан аввал Жаҳон чемпионати кубоги Шарқий ва Марказий Осиёдаги тўққизта давлат пойтахтини айланиб чиқади. Тошкентдан кейин эса яна 34 та давлат пойтахтига олиб борилади. Жаҳон чемпионати кубоги Марказий Осиё давлатлари пойтахтлари ичида биринчи бўлиб Тошкентда тўлиқ бир кун бўлади.
ЖЧ кубоги июнь ойигача 50 дан ортиқ мамлакатни айланиб чиқишини қўшимча қилиш зарур. Бу ушбу лойиҳа тарихидаги энг узун турне ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter