«Италиялик Форрест Гамп» 450 километр ва 400 еврога тушди
Италияда бир эркак хотини билан жанжалдан сўнг уйидан чиқиб кетиб, аламидан 450 километрни яёв босиб ўтгани ҳақида «Torresette» нашри ёзмоқда.
Комолик бу фуқарони провинциялардан бирида полиция тўхтатди. Қаттиқ толиққан эркак тартиб посбонлари эътиборини тортганди. У полициячиларга хотини билан жанжалдан сўнг уйидан чиқиб кетганини айтган. Ҳатто борар манзилни ҳам мўлжаллаб қўйган экан — авлиё Падре Пио қабри жойлашган Сан-Жованни-Ротондо шаҳарчаси. Йўл-йўлакай ҳафта давомида сув ва егуликни ўткинчилардан олиб турган.
Бу орада «саёҳатчи»нинг хотини эрининг йўқолгани ҳақида полицияга мурожаат қилишга улгурган. Албатта, эрини топиб беришди, аммо уни бўлинмадан чиқариб олиш учун 400 евро тўлашга тўғри келди — чунки тунги комендантлик соати тартибини бузган.
Ижтимоий тармоқларда яёв италияликни Форрест Гамп (киноқаҳрамон)га ўхшатиб ҳазиллашишмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter