Интернетда видеоси тарқалган мансабдор ишдан бўшатилди
Электр тармоқлари корхонасининг Юридик бўлими бошлиғи эгаллаб турган лавозимидан озод этилди.
Бунга ижтимоий тармоқларда видеоси тарқалиб, кўплаб салбий фикрлар ва эътирозлар келтириб чиқаргани сабаб бўлди.
Вилоят ҳокими Эркинжон Турдимов раҳбарлигида «Ҳудудий электр тармоқлари» акциядорлик жамияти Самарқанд ҳудудий филиалида ушбу ҳолат муҳокама қилиниб, томонлар фикрлари эшитилган. Одоб-ахлоқ меъёрлари ва функционал вазифалар доирасида амалга оширилиши зарур бўлган масалаларга ҳам тўхталиб ўтилган.
Муҳокама якунида АЖ бошқарув раисининг биринчи ўринбосари сўзга чиқиб, юридик бўлим бошлиғи Икром Саматов жамиятнинг Самарқанд ҳудудий филиали директори буйруғи билан эгаллаб турган лавозимидан озод этилганлигини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter