«Instagram» сервиси фойдаланувчи томонидан сайтга илгари юкланган барча контентни кўчириб олишга ёрдам берадиган «Маълумотларни юклаб олиш» функциясини ишга туширмоқда, деб хабар берди «NV.ua».

«Facebook»даги «Сизнинг маълумотингизни кўчириб олиш» фукциясининг эквиваленти Европа Иттифоқининг янги қоидаларига кўра, «Instagram»да ҳам жорий этилди.

«Data Download» функциясидан сайтнинг сервиси орқали фойдаланиш мумкин. Маълумотларни олиш учун сўров формасига электрон почта манзилини киритиш лозим. Бунга жавобан фойдаланувчи ўз аккаунтидаги барча контент жойлашган файл ҳаволаси келади. Сўровни қайта ишлаш учун 48 соат сарфланади.

«Instagram» матбуот хизматининг таъкидлашича, «айни вақтда маълумотларни кўчириб олиш функциясидан барча интернет фойдаланувчи фойдаланиши мумкин».

Сервис профилдан суратларни, видеоёзувларни, архивдаги тарихни (2017 йилнинг декабрьидан бошлаб), обуначилар исмини, кимга обуна бўлганлиги, шахсий ёзишмалар, изоҳлар «лайк»лар, қидирувлар поиски ва бошқа маълумотларни кўчириб олиш мумкин.