Энг семиз ҳамёнлар учун энг юпқа «санъат асари»
Дунёдаги энг юпқа механик соат ишлаб чиқарилди: Bulgari Octo Finissimo Ultra — қалинлиги атиги 1,88 миллиметр.
Илгариги рекорд Piaget компаниясига тегишли, 2018 йилда чиқарилган Altiplano Ultimate Concept соатининг қалинлиги бор-йўғи 2 миллиметр эди.
Bulgari компанияси Octo Finissimo Ultraни атиги 10 нусхада чиқарди, ҳар бирининг юза қисмига ҳақиқийлигини аниқлаш учун NFT-токенга йўналтирувчи QR-код туширилган.
Octo Finissimo Ultraни ихчамлаштириш учун Bulgari соатсозлари механик қисмларни битталаб жойлаштириш ўрнига барча 170 компонентни интеграциялашди. Соат пишиқ чиқиши учун корпуси қум билан ишлов берилган титандан ясалди, орт қопқоғи эса саноат бурғилари тайёрлашда ишлатиладиган волфрам карбиддан тайёрланган.
Octo Finissimo Ultra бир тўлдиришда 50 соатгача ишлайди.
Энг юпқа ушбу «санъат асари»ни харид қилиш учун жуда семиз ҳамён керак: нархи — нақ 440 000 доллар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter