Ереванда кучли зилзила кузатилди: одамлар уйларини тарк этишга мажбур бўлишди
Арманистонда бугун маҳаллий вақт билан соат 15:29 да кучли ер силкиниши юз берди. Зилзила маркази пойтахт Еревандан 8 километр шимоли-шарқда жойлашган.
Ер ости силкинишлари бир неча сония давом этгани айтилмоқда.
Арманистон ФВВга кўра, зилзила магнитудаси эпицентрда 6-7 баллни ташкил этган. Ереванда 5-6 балл, Арагацотн, Арарат, Ширак, Армавир, Вайоцдзор вилоятларида силкиниш 3-4 баллга етган.
Тафсилотлар ҳозирча номаълум. Ереванда табиий ҳодисадан сўнг мобил алоқада узилиш юзага келган. Еревандаги баланд уйларда яшовчилар кўчага чиқишган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter