Илк бор Ўзбекистон олий таълим муассасалари орасида Тошкент давлат стоматология институти дунё тан олган Бутунжаҳон тиббий таълим федерацияси томонидан (WFME президенти Дэвид Гордоннинг тавсияси, экспертлар хулосаси ва талаблари асосида) халқаро аккредитациядан ўтди.

Бу ҳақда университет матбуот хизмати хабар берди. 

IV-Халқаро стоматологлар конгресси ва VIII-Ўзбекистон стоматологларининг қурултойи ўтказилиши белгиланган бўлиб, жорий йилнинг 10 декабрь куни ушбу конгресс ва қурултойнинг очилиш маросими бўлиб ўтди.

Халқаро конгрессни Ўзбекистон Республикаси Соғлиқни сақлаш вазири Бехзод Мусаев ҳамда Олий ва ўрта махсус таълим вазири Абдуқодир Тошқуловлар кириш сўзи билан очиб беришди. 

Эндиликда Тошкент давлат стоматология институти битирувчиларининг дипломи жаҳон миқёсида тан олинади.

Мазкур халқаро аккредитация Ўзбекистондаги таълим дастурларининг халқаро сифат стандартларига мослигини баҳолаш жараёни бўлиб, Олий таълим сифати кафолати Европа ассоциацияси (ENQA) аъзоси ва Сифат кафолати агентликлари Европа реестрида (EQAR) мавжуд мустақил хорижий агентлик томонидан ўтказилди.