Дипломат коронавирус тарқалишида Хитойни айблади
АҚШнинг Хитойдаги элчиси, истеъфога чиқаётган Терри Бранстед янги типдаги SARS-CoV-2 коронавирусининг бутун дунёга тарқалиб кетишида Хитойни айблади. Бу ҳақда CNN хабар берди.
«Коронавирусни Уханнинг ичида ушлаб қолиш мумкин эди, бироқ пировард натижада у жаҳон пандемиясига айланиб кетди», — деди дипломат.
У Хитой тизими содир бўлаётган воқеа-ҳодисаларни яширишга урингани ва, ҳатто, эпидемия бошланаётгани тўғрисида хабар берган шифокорларни жазолаганини айтиб ўтди.
Унинг сўзларига кўра, Америка-Хитой муносабатларининг ёмонлашишида айнан Пекин айбдор.
Бранстед 14 сентябрь куни истеъфога чиққанлигини эълон қилди. У бу лавозимни 2017 йилдан бери эгаллаб келаётганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter