Дам олиш кунлари ҳарорат 17-20 даража совуққача пасайиши кутилмоқда
Гидрометеорология хизмати дам олиш кунларида кутиладиган об-ҳаво маълумотини тақдим этди.
Бугун куннинг иккинчи ярмида Ўзбекистонда об-ҳаво шароитини Волга бўйи устида жойлашган совуқ антициклон периферияси белгилайди. Бу дегани, бугун ёғингарчилик эҳтимоли фақат Фарғона водийси вилоятларида сақланиб туради. Жанубий ва марказий ҳудудлар устида қатламли тўп-тўп булутлардан ҳосил бўлган қаторлар чўзилиб кетиши давом этади, ҳарорат фони эса иқлимий меъёрлардан 6-8 даражага паст бўлади.
Республика шимолида анча совуқ бўлади, куннинг ўртасида ҳаво ҳарорати 5-8 даража совуқни, Орол бўйида 12-15 даража совуқни ташкил этади.
Дам олиш кунлари антициклон периферияси кучаяди, булутлар камаяди. Кечалари ҳаво ҳарорати 4-7 даража совуққача, шимолнинг энг чеккасида баъзи жойларда 17-20 даража совуққача бўлади. Кундуз кунлари ҳаво 4-7 даража илиққача кўтарилади, лекин ўртача кеча кундузлик ҳарорат одатдагидан бироз паст бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter