Бош прокуратура департаменти ходимига пора бермоқчи бўлган раҳбар ушланди
Бош прокуратура ҳузуридаги Департамент томонидан Тошкент шаҳар прокуратураси ходимлари билан ҳамкорликда Департаментнинг Тошкент шаҳар бошқармаси бўлим инспектори Д.А.нинг билдиргисига асосан тезкор тадбир ўтказилди.
Унда «Т.Қ.С» ШК раҳбари Т.М. ўзи раҳбарлик қилиб келаётган корхонанинг 353,6 млн. сўмлик ва ўғли Э.М.га тегишли «Д.Қ.С» МЧЖ фаолиятида йўл қўйилган 560,6 млн. сўмлик жуда кўп миқдордаги солиқ ва бошқа мажбурий тўловларни тўлашдан бўйин товланганлиги ҳолати бўйича уларга чора кўрмаслик ва енгиллик бериш эвазига Д.А.нинг хизмат хонасида, унга 2000 АҚШ долларини пора тариқасида берган пайтида ашёвий далиллар билан ушланган.
Мазкур ҳолат юзасидан «Т.Қ.С» ШК раҳбари Т.М.га нисбатан Ўзбекистон Республикаси Жиноят кодексининг 211-моддаси 1-қисми билан жиноят иши қўзғатилиб, тергов ҳаракатлари ўтказилмоқда, деб хабар берди Бош прокуратур матбуот хазмати.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter