Аёлини аянчли тарзда ўлдирган эркакка суд ҳукми ўқилди
Сурхондарё вилояти Шеробод туманида аёлини теша билан уриб, бўғиб ўлдирган эркакка ҳукм ўқилди. Бу ҳақда Олий суд ахборот хизмати маълумот берган.
Хабарга кўра, 2022 йил ноябрь ойида эркак 1989 йилда туғилган, турмушидан ажрашган, беш нафар фарзанднинг онаси бўлган аёл билан танишган. Кейинчалик улар шаръий никоҳ асосида турмуш қурган.
Орадан икки ой ўтмасдан уларнинг ўртасида жанжал содир бўлган. Судланувчи турмуш ўртоғининг бошқа шахслар билан ишқий муносабатда бўлганини гумон қилиши оқибатида жанжаллашган.
2023 йил 2 январь куни соат 23:45 да судланувчи ўз уйида спиртли ичимлик истеъмол қилиб, маст ҳолатда фарзандининг кўз ўнгида турмуш ўртоғини калтаклаган. Шунингдек, уйда бўлган темир дастали теша билан аёл танасининг дуч келган жойларига уриб, бўғиб ўлдирган.
Суд ҳукмига асосан эркак Жиноят кодексининг 97-моддаси билан айбли деб топилди ва ўн олти йилга қамалди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter