Антирекорд Англия терма жамоасини B лигага равона қилди
Англия терма жамоаси ғалабасиз ўйинлар бўйича сўнгги 29 йилдаги антирекордни такрорлади. Бу Германия терма жамоасига қарши ўйиндан сўнг юз берди.
Миллатлар лигаси гуруҳ босқичи 6-турида инглизлар немисларни «Уэмбли»да қабул қилди. Ўйин 3:3 ҳисобида якунига етди. Бу англияликлар ғалаба нималигини билмаган қаторасига олтинчи ва ҳаммаси Миллатлар лигаси доирасидаги ўйин бўлди: «Уч шер» ҳисобида уч дуранг, уч мағлубият бор.
Gracenote Live хабар беришича, ушбу серия Англия терма жамоаси учун 1993 йилдан бери энг ёмони ҳисобланади. Қизиғи, ўшандаги ғалабасиз ўйинларнинг олтинчиси ҳам айнан Германияга қарши ўтказилганди.
Миллатлар лигасидаги ўйинлари якунига кўра, инглизлар 3-гуруҳда сўнгги ўринни эгаллаб, B лигасига тушиб кетишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter