Андроид қурилмалар учун Xabar.uz мобил иловаси. Юклаб олиш ×

Ҳақиқий ва сунъий тухумни қандай фарқлаш мумкин?

Ҳақиқий ва сунъий тухумни қандай фарқлаш мумкин?

Фото: «Youtube.com»

Хитой сунъий тухумни ишлаб чиқара бошлагач, у ерда жуда кўп заҳарланиш ҳолатлари қайд этилди.

Сунъий тухум нимадан иборат?

«Рамблер»нинг ёзишича, сунъий тухумни ясаш унчалик қийин эмас. Бунинг учун ишлаб чиқарувчи бир нечта элементларни аралаштиради: кальций, гипс ва парафин. Шу тариқа тухум пўчоғи ҳосил бўлади. Тухум оқи билан сариғи эса желатин, калий альгинат, калий алюминий аччиқтоши, кальций хлорид ва бўёқлардан тайёрланади. Ясама тухумнинг фойдали элементлари бўлмайди. Аксинча, у заҳарланишга сабаб бўлиши мумкин.

Қандай ажратиш мумкин?

Тухумнинг ҳақиқий ёки сунъий эканлигини аниқлаш учун, энг  аввало, тухум пўчоғига эътибор беринг: табиий тухум силлиқ ва жилосиз, ясама тухум эса  ғадир-будир ва ялтироқ бўлади. Фарқлари орасида яна ҳаво мембранасини ажратиш мумкин. Бу плёнка табиий тухум пўчоғи остида бўлади, сунъий тухумда эса бўлмайди. Агар сунъий тухумни қайнатсангиз, у резинкага ўхшаб чўзилади. Табиий тухум эса бундай босимга дош беролмай ёрилиб кетади. Яна тухумни хомлигида текшириб кўриш мумкин. Сунъий тухумнинг оқи билан сариғи осон аралашади. Чунки улар бир хил материалдан тайёрланган, фақат бўёғи ҳар хил бўлади, холос.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг