«Тошкент-Хожикент» йўналишидаги электропоезд қатнови номаълум муддатга тўхтатилди
«Тошкент-Хожикент» йўналишидаги электропоезд қатнови номаълум муддатга тўхтатилди. Бу ҳақда «Ўзтемирйўлйўловчи» компанияси хабар бермоқда.
Расмий тушунтиришга кўра, вақтинчалик тўхтатилаётган электропоезд қатнови ҳаракат таркибини модернизация қилиш ишлари билан боғлиқ.
Мазкур йўналишда жорий йил 8 ноябрдан қуйидаги рейслар бекор қилинган:
- 6435/6436-сонли «Тошкент — Хожикент — Тошкент» йўналиши;
- 6441/6442-сонли «Тошкент — Хожикент — Тошкент» йўналиши.
Компания фойдаланувчилардан келтирилган ноқулайлик учун узр сўраган.
Мазкур йўналишда аввалроқ ҳам бир нечта поезд қатновлари бекор қилинган эди.
Эслатиб ўтамиз, йўловчиларга қулайлик яратиш мақсадида «Тошкент-Чирчиқ-Хожикент» тезюрар шаҳарлараро электропоездлар қатнови 2022 йилнинг 24 сентябрдан бошлаб жорий этилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter