Тошкент кўчалари учун Хитойдан яна мингта автобус келтирилиши мумкин

Транспорт вазири Илҳом Маҳкамов ва Yutong Bus компанияси (Хитой) халқаро маркетинг бўйича вице-президенти Сюй Пен учрашувида Ўзбекистонда жамоат транспорти тизимини ривожлантириш, ҳаракат таркибларини янгилаш борасида қилинадиган ишлар муҳокама этилди.
Жумладан, томонлар 200 та электробус сотиб олиш лойиҳасини амалга оширишнинг ҳозирги ҳолатини, шунингдек, Тошкент шаҳри учун яна 1000 та автобус сотиб олиш бўйича истиқболли лойиҳа юзасидан фикр алмашган. Шунингдек, хусусий тадбиркорлар томонидан электробусларни сотиб олиш учун қулай шарт-шароитлар яратиш билан боғлиқ жиҳатлар атрофлича муҳокама этилди.
Транспорт вазири Ўзбекистонда фойдаланилаётган Yutong компанияси томонидан ишлаб чиқарилган автобус ва электробуслар сони ортиб бораётганидан келиб чиқиб, компания томонидан кўрсатилаётган сервис хизматларини кучайтириш заруряти ҳақида ҳам тўхталган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter