«Форрест Гамп» асари муаллифи вафот этди
«Форрест Гамп» фильмидан лавҳа.
Америкалик ёзувчи, «Форрест Гамп» асари муаллифи Уинстон Грум 77 ёшида вафот этди. Бу ҳақда Фэрҳоп шаҳри (Алабама штати) мэри Кэрин Уилсон маълум қилди.
«Оғир қайғу ила азиз дўстимиз Уинстон Грум вафот этганини маълум қилмоқчиман. Фэрҳоп бугун афсонавий ёзувчидан жудо бўлди», — деб ёзди мэр «Facebook»да.
1986 йилда ёзилган «Форрест Гамп» романи Грумнинг энг машҳур асари эди. Асарнинг 1994 йилдаги киноталқини (бош ролни Том Ҳэнкс ижро этган) олтита «Оскар» олган.
Грум 1995 йили асарнинг давомини ёзган — «Гамп ва компания», аммо уни экранлаштиришга уринишлар бесамар кетган. Форрест Гамп ҳақидаги романларидан ташқари, Грум нон-фикшн (илмий адабиёт) жанрида ҳам қатор китоблар ёзган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter