Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда «Xabar.uz» ахборот-таҳлилий портали янги ташкил этилаётган интернет телеканалда ишлаш учун бошловчи ва журналистлар ўртасида танлов эълон қилади. Барча истовчилар — ёши ва жинсидан қатъи назар, жамоамиз аъзоси бўлиш учун ўз кучингизни синаб кўриши мумкин!

Биз ёрқин истеъдодларни қидирмоқдамиз. Журналистик фаолият бўйича тажрибангиз бўлса, янада яхши!

Асосий талаблар: ўзбек, рус ва инглиз тилини билиш, матн ёзиш маҳорати, чиройли ташқи қиёфа (бошловчилар учун), равон нутқ, киришимлилик ва саводхонлик.

Телеканал ахборот-коммуникация технологиялари ва инновациялар мавзусига йўналтирилган.

Шунингдек, техник ходимлар учун ҳам танлов кетмоқда: телетасвирчилар, монтаж усталари, графика усталари, чироқчи-техниклар, овоз оператори. Иш тажрибаси 1 йилдан ортиқ бўлиши керак.

Танловда иштирок этишни истаганлар ўз резюмеларини [email protected] ва [email protected] га жўнатишлари мумкин.