«Aif.ru» сайти 2018 йилда мухлислар томонидан интиқлик билан кутилаётган картиналар номини эълон қилди. Унда турли жанрдаги филмлар ўрин олган. 2018 йилнинг кино олами ўтган йилгидан кўра қизиқарли бўлиши кутилмоқда. Айниқса, йилнинг биринчи ярмида қизиқарли фильмлар намойиши кетма кет давом этади.

«Селфи»

Премьера: 1 февралда

2018 йилнинг кутилган филмлар орасида русларнинг «Селфи» номли картинаси ҳам бор. Бош ролни Константин Хабенский ўйгаган, у Сергей Минайнинг романи асосида суратган олинган. Картинада омадли ёзувчи ҳақда гап боради, унинг ҳаётида қиёфадоши пайдо бўлади. Ёзувчининг ўрнига интервюлар беради, рафиқаси билан яшайди, тақдимотлар ўтказади. Қаҳрамон эса ҳимоясиз аҳволда буларни четдан кузатиб туришга мажбур бўлади. Филмда шунингдек, Фёдор Бондарчук, Анна Михалкова, ҳатто роман муаллифи Минай ҳам иштирок этган.

«Tomb Raider: Лара Крофт»

Премьера: 15 мартда

Ушбу картина кассабоп ва омадли бўлиши ваъда қилинган филмлардан биридир. Сабаби унинг биринчи вариантида кино оламининг энг машҳур актрисаси Анжелина Жоли иштирок этган. Голливудда филмларни ремейкини ишлаш охирги вақтларда оммалашмоқда. Томб Райдер ўйини асос бўлган ушбу филмда Оскар мукофотини олган ёш актриса Алиса Викандер суртага тушди. Сюжет биринчи вариантни такрорлайди: Лара отасини излаб саргузаштларга дуч келади.

«Тренер»

Премьера: 19 апрелда

Россия кино оламидан яна бир фильм. Актёр Данила Козловскийнинг режиссурада дебют картинаси бўлиб, унда бош ролни ўзи ижро этган, продюсерликни ҳам зиммасига олган. Филм футболчи Юрий Столешников ҳақда бўлиб, у ҳал қилувчи онда гол ура олмайди. Кейин спортчи тренер сифатида фаолият юрита бошлайди ва жамоа йиғади. Филм борасида маслаҳатлашиш учун суратга олиш майдончасига Россия терма жамоасининг собиқ тренери Леонид Слуцкий таклиф қилинган.

«Соло: Юлдузлар жанги. Тарих»

Премьера: 24 майда

Само жанглари ҳақдаги ушбу картина аввалги серияларнинг ибтибосига бағишланган. Унда Хана Солонинг ёшлик йиллари тилга олинади. Филм мухлислари албатта, бу қисмни ҳам интиқлик билан кутишмоқда. Суратга олиш майдонидан ёш режиссёрлар Фил Лорд ва Крис Миллер ҳайдалди, ўринларига тажрибали режиссиёр Рон Хавард таклиф қилинди. Бош ролларни Эмилия Кларк, Мартин Харт, Вуди Харрелсон ва Олден Эренрайк (Соло образини) ижро этишган.

«Оушеннинг саккиз дугонаси»

Премьера: 21 июлда

Филмнинг трилогиясидан анча вақт ўтиб унинг аёллар жамоасидан таркиб топган тўртинчи серияси ишланди. Бу сафар Оушеннинг саккиз дугонаси ролларини Сандра Буллок, Кейт Бланшетт, Энн Хэтэуэй, Хелена Бонэм Картер, Рианна, Минди Кейлинг, Сара Полсон, Аквафина ижро этишган. Жиноятчи қизлар аввалги сериялардаги каби криминал ва юмор саргузаштларни бошдан кечиришади. Режиссёр Гери Росс, Жорж Клуни ва Стивен Содеберг эса продюсерлик қилмоқда.

«Қарсилдоқ ва тўрт қироллик»

Премьера: 26 октябрда

Куз фаслида кутилаётган эртак кинони Дисней студияси тақдим қилади. А.Гофман ҳикояси асосида яратилган афсонавий мултфилмнинг киносини режиссёр Лассе Халлстрём («Хатико»ни суратга олган) ва Жо Жонстон биргаликда ишлашмоқда. Актёрлар жамоасида эса Кира Найтли, Морган Фриман, Элли Бамбер каби машҳурларни учратиш мумкин. Мухлислар филм сюжетини яхши билишади. Клара янги йил арафасида сирли масканлар: қорлар мамлакати, гуллар мамлакати, ширинликлар мамлакатига йўл олади...

«Фантастик маҳлуқлар: Гриндевальднинг жинояти»

Премьера: 15 ноябрда

Поттернинг ашаддий мухлислари ушбу картинани ҳам интиқлик билан кутишяпти. Филм сценарийси, сезганингиздек, Жоан Роулингники, уни «Гарри Поттер»нинг режиссёри Девид Йейтс суратга оляпти. Ушбу картинанинг биринчи қисми кассада омадсизликка учраган бўлсада, ижодкорлар катта ишонч билан иккинчи қисмга қўл уришган. Сабаби унга машҳур актёрлар жалб этилган: Жонни Депп (сеҳргар Геллерт Гриндевальд) ва Жуди Лоу(Альбус Дамблдорнинг ёшлиги).

«Ирландиялик»

Премьера куни номаълум

Афсонавий режиссёр Мартин Скорсезнинг янги филми кўпчиликни қизиқтирмоқда. У яна криминал жанрга қайтди. Картина Чарлз Брендтнинг романи асосида ишланяпти, тарихда ўтган реал киллер Ирландиялик Френк Ширан ҳақда сўз боради. Киллер ўлими олдидан ўз ҳаётини Брендтга ҳикоя қилиб берган. Яна бир қизиқ тарафи, Скорсезе филмга икки афсонавий актёрлар Роберт де Ниро ва Ал Пачинони ҳам жалб қилди. Уларни соғинган мухлислар учун картина кутилган совға бўлади.

«Аждарҳо муҳри сири: Хитойга саёҳат»

Премьера куни номаълум

Россия-Хитой ҳамкорлигида яратилаётган картина 2018 йил охирларида чиқиши мумкин. Филмда қадимий хитой афсонаси — аждарҳолар ҳақда сўз боради. Бош ролларгни эса кино юлдузлари Жеки Чан ва Арнолд Шварценеггер ижро этяпти. Режиссёрнинг айтишича, Хитойга саёҳат қисмидан сўнг дарҳол Ҳиндистонга саёҳат серияси ҳам суратга олинади.