Андроид қурилмалар учун Xabar.uz мобил иловаси. Юклаб олиш ×

Қўқонлик икки «крутой» депутатнинг ваколатлари муддатидан илгари тугатилди

Қўқонлик икки «крутой» депутатнинг ваколатлари муддатидан илгари тугатилди

Фото: «Xabar.uz»

Халқ депутатлари Қўқон шаҳар кенгашининг бугун ўтган навбатдан ташқари сессиясида икки нафар депутатнинг ваколатларини муддатидан илгари тугатиш тўғрисида қарор қабул қилинди. Бу ҳақда «Xabar.uz»га ҳокимликдаги манба маълум қилди.

Ҳар икки депутат (эндиликда собиқ) мақомига мос бўлмаган хатти-ҳаракатлари учун шундай чорага лойиқ кўрилган. Яъниким, уларнинг бири - Х.Н. (1979 йилда туғилган, хусусий корхона раҳбари) Республика Махсус комиссиясининг карантин қоидаларини қўпол равишда бузиб, «Telegram» ижтимоий тармоғи орқали гўёки Қўқон шаҳрида 2 нафар шахсда «коронавирус» касаллиги аниқланганлиги ва улар карантинга олинганлиги ҳақида ҳақиқатга тўғри келмайдиган уйдирма ва ёлғон маълумотларни тарқатгани аниқланган. Айни пайтда унга нисбатан ЖКнинг 244-5-моддаси (Карантинли ва инсон учун хавфли бўлган бошқа юқумли касалликлар тарқалиши ҳақида ҳақиқатга тўғри келмайдиган маълумотларни тарқатиш) билан жиноят иши қўзғатилиб, тергов ҳаракатлари олиб борилмоқда.

Иккинчиси (М. А.) эса (1976 йила туғилган, тадбиркор) суд томонидан МЖтКнинг (Маъмурий жавобгарлик тўғрисидаги кодекс) 195-моддасида («Ички ишлар органлари ходимининг ўз вазифаларини бажариши билан боғлиқ қонуний талабларини бажармасликка омма олдида ҳар қандай шаклда даъватлар қилиш») кўрсатилган маъмурий ҳуқуқбузарликни содир этган деб топилиб, 15 сутка маъмурий қамоқ жазосига тортилиши ортида депутатлик мақомидан мосуво этилгани айтилмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг