Айрим олимлар мамлакатда ўтказилган қон намуналарини ўрганиш натижаларига кўра, АҚШда коронавируснинг биринчи ҳолатлари 2019 йил декабрида рўй берган деган фаразни ўртага ташлашди.

«Ҳисобот натижалари шуни кўрсатадики, SARS-CoV-2 инфекцияси Қўшма Штатларда кутилганидан олдин пайдо бўлган бўлиши мумкин», - дейилади Миллий соғлиқни сақлаш институтлари (NIH) хисоботида.

Олимлар 2020 йил 2 январдан 18 мартгача 50та штат аҳолиси томонидан тақдим этилган 24000 дан ортиқ қон намуналарини ўрганишган. Натижада, тадқиқотчилар январ ойининг бошларида америкаликларнинг маълум бир қисмида касалликка қарши антитаналар пайдо бўлган деган хулосага келишган.

Олдинги тадқиқотлар

2020 йил декабр ойида Американинг «Clinical Infectious Diseases» журнали 2019 йил декабр ойида АҚШ аҳолисидан тўпланган қон намуналарини худди шундай ретроспектив тадқиқот натижаларини эълон қилган. Хулоса натижаларига кўра, Америкада вирус Хитойда пайдо бўлишидан олдинроқ пайдо бўлган.

АҚШ Касалликларни назорат қилиш ва олдини олиш марказининг (CDC) тадқиқотчилари 2019 йил 13 декабрдан 2020 йил 17 январгача тўққизта штатда Америка Қизил Хочи томонидан тўпланган етти мингдан ортиқ донорлик қон намуналарини таҳлил қилдилар.

Улардан 106 та намунада коронавирусга қарши антитаначалар аниқланган. Муаллифлар бошқа вирусларга қарши антитаналарнинг ўзаро реактивлигини истисно қилиш учун қўшимча тестларни ўтказдилар ва аниқланган антикорлар SARS-CoV-2га хос эканлигини аниқладилар.

Жаҳон соғлиқни сақлаш ташкилоти мутахассислари илгари Хитойда COVID-19 тарқалиши 2019 йил декабридан эрта бошланган бўлиши мумкинлигини тан олишган. Октябр ойида 90 га яқин одам коронавирус аломатига ўхшаш касаллик билан шифохонага ётқизилгани таъкидланган.