Янгийўлда чиқинди ташламоқчи бўлган фуқаро жаримага тортилди
Тошкент вилояти Янгийўл шаҳрида белгиланмаган жойга чиқинди ташлаётган фуқарога чора кўрилди. Бу ҳақда Табиат ресурслари вазирлиги хабар бермоқда.
Маълум қилинишича, Тошкент вилояти, Янгийўл шаҳри, Янгибоғ МФЙ ҳудудида фуқаро Ф.С. давлат рақами «10 C 335 БА» бўлган «DAMAS» русумли автотранспорт воситасида белгиланмаган жойга чиқинди ташлаган.
Ҳолат юзасидан ҳуқуқбузарга нисбатан Ўзбекистон Республикасининг маъмурий жавобгарлик тўғрисидаги кодексининг 91-1-моддаси 3-қисми билан маъмурий баённома расмийлаштирилди.
«Ҳуқуқбузар ўзи ташлаган чиқинди ўзи тозалади ва 1 650 000 сўм миқдорида жаримага тортилди», дейилади вазирлик хабарида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter