Ўзбекистон фуқароси Солиев Алишер Ўктам ўғли ва яна унинг тўрт шериги Россия федерациясида бўлиш тартибини бузгани учун Владивосток шаҳрида ушлаб турилган эди. Владивостокдаги Бош консуллигимиз томонидан хабар қилинишича, ҳамюртимиз Ватанга қайтарилган.

Ўзбекистон фуқаролари Владивосток шаҳридаги хорижий фуқароларни вақтинча ушлаб туриш жойида бўлган. Бош консуллик ва ўзбек диаспораси ташкилотлари ҳамкорликда олиб борган иш туфайли фуқароларимиз иши ҳолис кўриб чиқилди. Боз устига ҳамюртимизга керакли ҳужжатларни расмийлаштириш учун ҳуқуқий-консуллик ёрдами кўрсатилган. Натижада март ойининг охирги кунларида Алишер Солиев Россия федерациясини тарк этиб, уйга қайтишга муваффақ бўлди.

Шу муносабат билан Россиядаги Ўзбекистон дипмиссияси ҳамюртларимизни номаълум кимсалар томонидан уюштириладиган провокацияга учмаслик ва ўзлари бўлиб турган хорижий давлатлар қонунчилигини бузмасликка чақиради. Қалтис вазиятлар юзага келган тақдирда эса дарҳол яқин орадаги дипломатик вакилликка мурожаат қилишлари сўралади:

Ўзбекистон Элчихонасининг Россиядаги консуллик бўлими:
119017, Москва шаҳри, 2- Казачий чор, 2 уй;
Телефон: +7 499 230 00 32, электрон почта: [email protected]

Ўзбекистоннинг Санкт-Петербургдаги Бош консуллиги:
С.-Петербург шаҳри, 4-Красноармейская кўчаси, 4А уй;
Телефонлар: +7 965 7512071,+7 812 601 06 28,
Telegram, Whatsapp, Viber, Imo +998909942747, электрон почта: [email protected];

Ўзбекистоннинг Екатеринбургдаги Бош консуллиги:
620075, Екатеринбург шаҳри, Карл Либкнехт кўчаси, 22 уй, 6 қават;
Телефонлар: + 7 343 272 31 33; +7 965 519 42 22 факс + 7 343 2723166, электрон почта: [email protected].

Ўзбекистоннинг Новосибирскдаги Бош консуллиги:
630005, Новосибирск, Ломоносов кўчаси, 55Б уй;
Телефонлар: +7 383 246 04 85, 246 04 84, 246 04 63, 246 04 64; Факс: +7 383 2460462, электрон почта: [email protected].

Ўзбекистоннинг Владивостокдаги Бош консуллиги:
690003, Владивосток шаҳри, Верхнепортовая кўчаси, 46 уй
Телефон: +7 423 260 48 00, +7 951 018 70 07, электрон почта: [email protected].