Uzreport TV телеканали ўзининг 10 йиллигини нишонлади
Мамлакатимиз нодавлат телевидениесининг вакили – Uzreport TV телеканали ўзининг 10 йиллигини нишонламоқда. Ушбу муҳим сана муносабати билан бугун тантанали тадбир бўлиб ўтди.
«Президентимиз раҳбарлигида Янги Ўзбекистонда олиб борилаётган кенг кўламли ислоҳотлар натижасида хусусий телеканаллар жадал ривожланиб, чинакам гуллаб-яшнаш даврига қадам қўйди. Уларнинг бугунги ранг-баранг ва кўп қиррали фаолияти айнан «Uzreport TV» босиб ўтган йўлга, яратган тажрибасига ҳам таянган десак, адашмаган бўламиз», дейилади президент матбуот хизмати хабарида.
Телеканал Ўзбекистонда биринчилардан бўлиб Reuters, Bloomberg, CCTV каби халқаро ахборот агентликлари ва Discovery, National Geographic лойиҳалари билан ҳамкорликни йўлга қўйган.
24 соат эфирга узатиладиган телеканал 2014 йилда ташкил этилган бўлса, Uzreport ахборот агентлиги 1999 йилдан буён фаолият олиб боради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter