Андроид қурилмалар учун Xabar.uz мобил иловаси. Юклаб олиш ×

Пермдаги ўзбек диаспораси раҳбари мигрантларни Украина урушига жалб қилаётгани айтилди

Пермдаги ўзбек диаспораси раҳбари мигрантларни Украина урушига жалб қилаётгани айтилди

Ижтимоий тармоқдаги баъзи ахборот каналларида «Пермдаги ўзбек диаспораси раҳбари шахсан ўз ватандошларини Украинага урушга жалб қиляпти» сарлавҳали видеолар тарқалмоқда.

Шу муносабат билан Ташқи меҳнат миграцияси агентлиги фуқароларга мурожаат қилди.

«Ўзбекистон фуқароларидан бундай даъватларга эргашмасликни, зиддиятли ҳудудларга бормасликни ва ҳарбий ҳаракатларда иштирок этмасликни сўраймиз», дейилади хабарда.

Эслатиб ўтамиз, Ўзбекистон Республикаси Жиноят кодексининг 154 прим 1-моддасида чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга ёлланиш уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланиши кўзда тутилган.

Таъкидлаш жоизки, агентлик июл ойида ҳам шунга ўхшаш огоҳлантириш билан чиққанди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг