Гидрометеорология хизмати бошланган ҳафтада кутилаётган об-ҳаво маълумотини тақдим этди. 

Дам олиш кунлари ёғган кучли ёмғирлар бугун эрталаб Ўзбекистон ҳудудидан чекинди. Кўпчилик вилоятларда бугунги кунни ўзида ёғингарчиликсиз об-ҳаво кузатилди. Тошкент, Жиззах, Сирдарё вилоятлари ва Фарғона водийсининг айрим жойларида бир оз ёмғир ёғиб ўтди.

Фақат Фарғона водийсининг баъзи ҳудудларида шамолнинг тезлиги 23-28 м/с гача кучайиши мумкин.

Кундузи ҳаво ҳарорати 6-11 даража илиқ атрофида бўлади.

Кейинги кунларда республиканинг чекка шимолий ҳудудларига Қозоғистон ҳудудидан бироз нам ва нисбатан совуқ ҳаво массалари кира бошлайди. Тошкент вилояти ва Фарғона водийсида 30-31 март ва 1 апрель кунлари баъзи жойларда нисбатан беқарор об-ҳаво кутилмоқда, қисқа муддатли ёмғир ёғиши мумкин. Фақат 31 март куни Жиззах ва Сирдарё вилоятларида кучсиз ёмғир ёғиши мумкин.

Жума куни кам булутли ва қуруқ об-ҳаво бутун республика ҳудудини эгаллайди.

Март ойининг сўнгги кунларида ва апрель ойининг биринчи кунларида ҳаво ҳарорати кечаси 0-5 даража илиқ атрофида бўлади. 30-31 март ва 1 апрель куни кундузи ҳаво ҳарорати бироз салқин бўлиб, 7-10 даража илиқ атрофида бўлади.

2 апрелда илиқ ҳаво массалари кириб келади ва кундузи ҳарорат 14-17 даража илиққача кўтарилади.