Халқ депутатлари Тошкент шаҳар кенгаши депутатлигига 13-«Гулшан» сайлов округидан кўрсатилган номзод Нодира Каримова «Олтинтепа» маҳалласи фуқаролари билан учрашди.

Номзод маҳаллаларни айланди ҳамда аҳолини қийнаётган муаммолар билан танишиб чиқди.

Жумладан, «Олтинтепа» маҳалласида биронта ҳам мактаб, боғча, поликлиника, аптека, магазин, банк филиали йўқлиги, Қайнарсой, Паркент 4 берк кўчаси ва масжид ёнидаги қарноқ кўчаларидаги йўллар асфальт қилиниши зарурлиги, газ босими пасайганини қайд этиб, номзоддан ушбу муаммолар юзасидан ёрдам беришини ҳамда қарияларни Хоразм, Бухоро, Самарқанд каби тарихий шаҳарларга саёҳатларини уюштириш, кам таъминланган оилалар фарзандларига болалар соғломлаштириш оромгохларига йўланмалар бериш каби имтиёзлар берилишини сўраб номзодга мурожаат этишди.

Янги «Авайхон» маҳалласининг Риштон кўчасига иссиқлик трубаси ўтқазилгани сабабли йўлнинг таъмирталаб бўлиб қолган қисмига асфальт ётқизилди.

Номзод Нодира Каримова «Минглола» МФЙда сайловчилар билан учрашуви жараёнида маҳалланинг жомеъ масжиди орасидаги трансформатор пунктдаги 250 КВа қувватли трансформаторни хавфсиз жойга кўчириш масаласи кўтарилди. Тегишли ташкилотларга мурожаатлар орқали трансформатор хавфсиз жойга кўчирилди.