Бахтиёр Ахунбабаев Наманган вилояти ҳокимининг рақамлаштириш бўйича маслаҳатчиси лавозимига тайинланди.

У 1978 йилда Наманган шаҳрида туғилган. 2001 йилда Наманган муҳандислик-педагогика институтини (магистратура) тамомлаган. Мутахассислиги муҳандис-технолог.

Ахунбабаев Бахтиёр Латифханович тайинловга қадар Наманган вилояти ҳокимлиги ҳузуридаги «Электрон ҳокимиятни ривожлантириш маркази» давлат муассасаси директори лавозимида ишлаб келаётган эди.

Мўминов Анвар Рустамович Наманган вилояти ҳокимининг маҳаллий саноатни ривожлантириш масалалари бўйича ёрдамчиси этиб тайинланди.

Анвар Мўминов  1985 йилда Наманган шаҳрида туғилган. Наманган муҳандислик-иқтисодиёт институтини маркетинг мутахассислиги бўйича тамомлаган.

Тайинловга қадар вилоят ҳокимлигининг инвестициялар ва ташқи савдо масалалари котибияти мудири вазифаларида ишлаган.

Дониёр Абдуғаффоров Наманган вилояти ҳокимлигининг Электрон ҳокимиятни ривожлантириш маркази директори лавозимига тайинланди.

У 1994 йилда Чуст туманида туғилган. 2016 йилда Наманган муҳандислик-педагогика инcтитутини тамомлаган. Мутахассислиги информатика ва Ахборот технологиялари.

Абдуғаффоров Дониёр Равшан ўғли тайинловга қадар Наманган вилояти ҳокимлиги ҳузуридаги «Электрон ҳокимиятни ривожлантириш маркази» муассасаси раҳбари ўринбосари - Ахборот тизимлари ва ресурсларини жорий этиш ва ривожлантириш бўлими бошлиғи лавозимида ишлаб келаётган эди.

Аҳаджон Дадамирзаевич Мирзаев Наманган вилояти ҳокимлигининг жамоат ва диний ташкилотлар билан алоқалар котибияти мудири этиб тайинланди.

Аҳаджон Мирзаев 1977 йилда Янгиқўрғон туманида туғилган. Наманган давлат университетини бакалавр ва магистр босқичини иқтисодчи мутахассислиги бўйича тамомлаган.