«Mersedes-Benz» мутахассиси: «Тошкентда ёниб кетаётган автобусларнинг муддати тугаган»
Кеча, 16 октябрь куни «Тошшаҳартрансхизмат» АЖ ташаббуси билан ташкил этилган учрашувда қатнашган «Mersedes-Benz» менежери Макс Киршенхофер Тошкентда айрим автобусларнинг ёниб кетаётгани сабабига тўхталди. Бу ҳақда «Тошшаҳартрансхизмат» АЖ матбуот хизмати «Turon24»га хабар берди.
Немис мутахассисининг фиркича, бугун ёнғин чиқаётган «Mersedes-Benz» автобусларининг фойдаланиш муддати тугаб бўлган. Бошқа давлатлар, хусусан, Германияда бу каби автобуслардан кўпи билан 8 йил фойдаланилади. Мутахассис бундан буён асосий саъй-ҳаракатлар ва харажатларни кейинги босқичда келтирилган, яъни 2012-2013 йилларда ишлаб чиқарилган автобусларга ҳамда ҳаракат таркибини янгилашга йўналтириш мақсадга мувофиқлигини таъкидлаб ўтди.
Бундан аввалроқ «Тошшаҳартрансхизмат» 2008-2009 йилларда ишлаб чиқарилган автобуслар йўналишдан вақтинча олингани ва уларни техник жиҳатдан жадал таъмирлаш ишлари ўтказилгани ҳақида маълум қилганди
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter