2021 йил 7 октябрь ҳолатига кўра, Ўзбекистонда яна 420 нафарга яқин кишида касаллик қайд этилди, 3 нафар бемор вафот этди. Коронавирус инфекцияси қайд этилганлар сони 177383 (+419) нафарни ташкил этмоқда.

Соғлиқни сақлаш вазирлиги матбуот хизмати хабарига кўра, янги касалланишлар ҳудудлар кесимида қуйидагича аниқланган:

• 12 нафари Қорақалпоғистон Республикасида,
• 13 нафари Андижон вилоятида,
• 12 нафари Бухоро вилоятида,
• 8 нафари Жиззах вилоятида,
• 4 нафари Қашқадарё вилоятида,
• 4 нафари Навоий вилоятида,
• 12 нафари Наманган вилоятида,
• 34 нафари Самарқанд вилоятида,
• 12 нафари Сирдарё вилоятида,
• 2 нафари Сурхондарё вилоятида,
• 31 нафари Фарғона вилоятида,
• 10 нафари Хоразм вилоятида,
• 99 нафари Тошкент вилоятида,
• 166 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шунингдек, касалликдан соғайганлар жами 172656 (+399) нафарга етди ва соғайиш кўрсаткичи 97 фоизни ташкил этмоқда.

3 нафар коронавирусга чалинган бемор вафот этиб, касалликдан вафот этганлар сони 1263 нафарни ташкил қилди.