Андроид қурилмалар учун Xabar.uz мобил иловаси. Юклаб олиш ×

Қалбаки 60 минг АҚШ долларини Ўзбекистонга олиб кираётган шахс қўлга олинди

Қалбаки 60 минг АҚШ долларини Ўзбекистонга олиб кираётган шахс қўлга олинди

Фото:«Bojxona.uz»

Тошкент халқаро аэропортига хориждан учиб келган ва яшил йўлак орқали ҳаракатланган фуқаро М.А. божхона текширувидан ўтказилганда, сумкаси ичига 60 минг АҚШ доллари яшириб жойлаштирилганлиги аниқланди. Бу ҳақда Давлат божхона қўмитаси хабар берди.

Йўловчи божхона декларациясида ва божхона ходимларининг оғзаки сўрови пайтида маълум қилинмаган, божхона назоратидан яширинча олиб ўтишда тўхтатиб қолинган ушбу валюталарни синчиклаб кўздан кечириш давомида божхона ходимларини шубҳалантирган яна бир жиҳат фош бўлган.

Қалбаки купюраларни аниқлашга ихтисослашган валюта детектори пулларнинг ҳақиқий эмаслигини тасдиқлаган.

Энг қизиғи шундаки, купюраларнинг серия рақамлари бир хил бўлган. 

Сохта долларлар ашёвий далил сифатида олиниб, ҳолат юзасидан жиноят иши қўзғатилди.

Ўзбекистон Республикаси Жиноят кодексининг 176-моддасига биноан қалбаки пул, акциз маркаси ёки қимматли қоғозлар ясаш, уларни ўтказиш учун жиноий жавобгарлик белгиланган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг