Президентлар: 32 йилга чўзилиб кетган «тўрт йил», Путиннинг тенгдоши ва бошқалар (инфографика)
![Президентлар: 32 йилга чўзилиб кетган «тўрт йил», Путиннинг тенгдоши ва бошқалар (инфографика)](https://static.xabaruz.com/crop/4/1/920__95_417283023.jpg)
Бугунги кунда дунёда монархиялар сони бармоқ билан санарли, шулардан ҳам икки-учтасида ҳокимият монархнинг қўлида. Халқ ёки парламент маълум муддатга сайловчи президентлар бошқарувидаги республикалар эса жуда кўп. Дарвоқе, муддат ҳақида.
![](http://static.xabar.uz/uploads/1/720__HJK7lIni62a4R6RWEy_H1HFXzTeKJP2f.jpg)
Фуқаролар урушидан сўнг 1986 йили Уганда президентига айланган Йовери Кагута Мусевени биринчи расмий нутқида ўз ҳукумати то янги конституция қабул қилингунича тўрт йил туришини айтган эди, аммо, мана 32 йилдирки, у жойини бўшатгани йўқ. Мусевени ҳозир 74 ёшда.
![](http://static.xabar.uz/uploads/1/720__FljU54Fdy6DH1ktQx45ppp08bxjYssP5.jpg)
Теодоро Обианг Нгема Бмасого (76 ёшда) Экваториал Гвинеяни 1979 йил 3 августидан бери бошқармоқда. У ҳарбий тўнтариш орқали ўз амакиси Франсиско Масиас Нгема Бийого ўрнига президент бўлган. Обианг 39 йилдан бери давлатни бошқаряпти.
![](http://static.xabar.uz/uploads/1/Uub0KJJrjMolTEFLT5Q7xgqVm1e6wyGt.png)
Поль Бийя эса 1982 йил 6 ноябрида, Аҳмаду Ахиджо кутилмаганда истеъфо берганидан сўнг президентлик лавозимини эгаллаган. Ўшанда у 49 ёшда эди, ҳозир эса 85 ни қоралади. Ўтган 36 йилдан бери у Камеруннинг яккаю ягона президенти бўлиб турибди.
«Топ-10»га кирувчи президентлар неча ёшда?
- Поль Бийя (Камерун) — 85 ёшда
- Абдул Азиз Бутефлика (Жазоир) — 81 ёшда
- Нурсултон Назарбоев (Қозоғистон) — 78 ёшда
- Теодоро Обианг (Экваториал Гвинея) — 76 ёшда
- Йовери Мусевени (Уганда) — 74 ёшда
- Исайяс Афеверки (Эритрея) — 72 ёшда
- Идрис Деби (Чад) — 66 ёшда
- Эмомали Раҳмон (Тожикистон) — 65 ёшда
- Владимир Путин (Россия) — 65 ёшда*
- Александр Лукашенко (Беларусь) — 64 ёшда.
*Эмомали Раҳмон (1952 йил 5 октябрда туғилган) Владимир Путин (1952 йил 7 октябрда туғилган)дан икки кунлик катта.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter