Урганчда «Дамас» билан тўқнашган «Ласетти» ёниб кетди (фото)
Жорий йилнинг 15 май куни Хоразм вилояти, Урганч шаҳрида ҳайдовчи, 26 ёшли Х.Ш. бошқарувидаги «Ласетти» русумли ҳамда 36 ёшли М.Ф. бошқарувидаги «Дамас» русумли автомобиллар иштирокида тўқнашув содир бўлган.
Зарб оқибатида «Ласетти» русумли автомобиль йўлни четидаги бетон тўсиққа урилган ва двигатель қисмида ёнғин юзага келган, дея маълум қилди ЙҲХБ матбуот хизмати.
Ёнғин бартараф этилган. Тўқнашув ва ёнғин натижасида тан жароҳати олган фуқаролар йўқ. Транспорт воситаларига зарар етган.
Мазкур ҳодиса юзасидан Урганч шаҳар ИИО ФМБ ЙҲХБ томонидан суриштирув ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter