Самарқандда «Чупакабра» деб номланаётган ёввойи ҳайвон отиб ўлдирилди
2020 йил март ойининг бошларида тунги вақтларда Оқдарё тумани Янгиҳаёт маҳалла фуқаролари йиғинига қарашли Янгиҳаёт, Янгиқўрғон ҳамда Галаравот қишлоқларидаги хонадонларда очиқ ва қаровсиз қолган қўй ва товуқларга «ёввойи ҳайвон» ҳамла қилиб кетаётганлиги ҳақида гап-сўзлар тарқалди.
Вилоят ИИБ ахборот хизмати бошлиғи Жаҳонгир Сагдуллаевнинг хабар беришича, ҳолатни ўрганиш мақсадида туман Ички ишлар бўлими, туман ҳокимлиги, туман ДСЭНМ, туман Ветеринария ва кўнгилли фуқаролардан иборат ишчи гуруҳ тузилган.
Жорий йилнинг 4 март куни туман ҳудудидаги овчилик жамиятига аъзо бўлган овчилар кўнгилли равишда тадбирга жалб этилди ва Янгиҳаёт маҳалласи қишлоқларидаги хонадонларда кузатув ишлар ташкил этилди. Тахминан соат 16:00 ларда Янгиҳаёт қишлоғидан ўтиб кетаётган «ёввойи ҳайвон», яъни шоқол аниқланиб, овчилар томонидан отиш йўли билан йўқ қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter