Қорақалпоғистонда бир хонадонда олти киши вафот этди
Хўжайлида бирданига олти киши ис газидан заҳарланиб вафот этди. Ҳолат юзасидан Қорақалпоғистон Республикаси прокуратураси Kun.uzга маълумот берган.
Воқеа кеча, 9 декабр куни содир бўлган. Бу ҳақда Хўжайли тумани ИИБга соат 17:00 да маълумот келиб тушган.
Ёш ота-она ва уларнинг фарзандлари, шу куни уйга меҳмонга келган қариндоши иситиш печидан чиққан газ ҳидидан заҳарланиб оламдан ўтган. Болакайларнинг бири 11, иккинчиси 7 ёшда бўлган.
Маълум қилинишича, уй эгалари иситиш печидаги газни очиқ ҳолатда ёққан.
Ҳолат бўйича Хўжайли тумани прокуратураси томонидан терговга қадар текширув ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter