Навоийда 15 ёшли боланинг жасади 3 кундан сўнг топилди
Навоий вилоятида Зарафшон дарёсига чўкиб кетган 15 ёшли боланинг жасади 3 кундан сўнг топилди.
Вилоятнинг Кармана туманида яшовчи 15 ёшли Т.Ш. 2022 йилнинг 5 июль куни икки нафар тенгдоши билан қишлоғидан оқиб ўтувчи Зарафшон дарёсига чўмилишга борган ва чўкиб кетган.
Чўкиб кетган боланинг жасади орадан уч кун ўтиб, 8 июль куни у чўмилишга борган жойдан 1 километр узоқликдан топилган.
Боланинг чўкиб кетгани ҳақида вилоятнинг Фавқулодда вазиятлар бошқармаси навбатчи гуруҳига ахборот келиб тушган. Шундан сўнг воқеа жойига 16 нафар қутқарувчидан иборат гуруҳ ташкил этилиб, жўнатилган.
Айни пайтда мазкур ҳолат сабаблари Ички ишлар ҳамда прокуратура органлари томонидан ўрганилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter