2021 йилнинг 23 март куни Тошкент метрополитенида хавфсизликни таъминлаш бошқармасига 1997 й.т. фуқаро Р.Н. ариза билан мурожаат қилади.

У ўз аризасида, шу куни соат 19:00ларда метронинг «Мирзо Улуғбек» бекатида ёнида бўлган «Samsung-А70» русумли уяли телефон аппарати устки кийимининг ўнг чўнтагидан номаълум шахс томонидан ўғирлаб кетилганлигини билдирган.

Мазкур аризага асосан, Метрополитенда ХТБ тезкор ходимлари томонидан Тошкент метрополитенининг «Буюк ипак йўли» бекатида олиб  борилган тезкор тадбирлар давомида, ушбу жиноятни 1979 й.т. Тошкент вилояти Паркент тумани «Сўқоқ» ҚФЙда яшовчи, фуқаро Б.Б. томонидан содир этилганлигида гумонланиб, қўлга олинди.

Б.Б.нинг ёнидаги буюмлари холислар иштирокида кўздан кечирилганда, эгнидаги курткаси ички чўнтагидан 3 дона ўзига тегишли бўлмаган уяли телефон аппаратлари топилиб, Метрополитенда ХТБ ихтиёрига олинган. Ушбу телефонлардан бири, яъни «Samsung-A70» русумли телефон аппарати фуқаро Р.Нга тегишлилиги аниқланди.

Олиб борилган тезкор суриштирув ишлари натижасида, шу куни Б.Б. яна 2 маротаба ўғирилик содир этганлиги, яъни соат 14:00 ларда Тошкент метрополитенининг «Халқлар Дўстлиги» бекатида вояга етмаган фуқаро 2005 й.т. З.Мнинг «Redmi 6» телефон аппаратини ҳамда соат 19:00ларда «Пахтакор» бекатида фуқаро 2002 й.т. Г.Днинг  «Samsung-6 Grand Prime+» телефон аппаратини ўғирлаб олганлиги аниқланди. 

Ҳозирда юқоридаги барча ҳолатлар бўйича зарурий ҳужжатлар расмийлаштирилиб, терговга қадар суриштирув ишлари олиб борилмоқда.