Кар-соқов қизни бир йигит ургани акс этган видео тарқалди. Ҳолат сабаби аниқланди
Ижтимоий тармоқ ва мессенджерларда жисмоний имконияти чекланган (кар-соқов) қиз ва йигит ўртасидаги келишмовчилик видеоси тарқалди. Унда йигит қизга қўл кўтаргани ҳолати акс этган.
Мазкур видео Тошкент шаҳар ИИББ ходимлари томонидан ўрганилди.
Жанжаллашган фуқароларнинг шахслари аниқланган. Маълум бўлишича, жорий йилнинг 20 август куни тахминан соат 08.00 да Чилонзор тумани Шарқ маҳалласи ҳудудида 22 ёшли М.М. ва 27 ёшли У.К. ўртасида пул сабабли жанжал келиб чиққан.
Бадан шикастлари оғирлиги даражасини аниқлаш мақсадида суд-тиббий экспертиза тайинланган.
Тергов олди текшируви натижаларига кўра зарур чоралар кўрилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter