Жиззахда метан газ қуйиш шохобчасида «Жигули» портлади
Бугун, 23-июн куни соат 15:00 ларда Жиззах вилояти Шароф Рашидов тумани «Совунгарлик» МФЙ ҳудудида жойлашган автомобилларни газ билан тўлдириш компрессор стансиясида ВАЗ-2106 русумли автомобилга ёқилғи тўлдириш жараёнида портлаш содир бўлган.
Ҳодиса оқибатида ҳеч ким жабрланмаган, бошқа транспорт воситаларига зарар етмаган.
Портлаш натижасида ёнғин келиб чиқмаган, ёнғин-қутқарув бўлинмалари ҳодиса жойига чиқарилмаган.
Дастлабки суриштирув натижаларига кўра, ВАЗ-2106 транспорт воситасидаги носозлик бахтсиз ҳодисага сабаб бўлган.
Ҳозирда суриштирув ишлари давом этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter