АҚШнинг иккита шаҳри тиканакларга тўлиб кетди
Калифорниянинг Викторвилл ва Ютанинг Вест-Жордан шаҳри аҳолиси бегона ўтлар «ёпирилиши» ҳақида хабар беришди. «The Washington Post» нашрининг ёзишича, ўнлаб уйлар қушқўнмас (тиканли ўтлар) билан қопланган.
Америка шаҳарларининг майдонларига дашт томондан кучли шамол келди. Шамолнинг тезлиги соатига 110 километрга етди. Бегона ўтларнинг остида қолиб кетгани боис одамлар қийинчилик билан уйларидан чиқишди – қуруқ тиканаклардан ҳосил бўлган тепаликлар икки метрдан ошиб кетди.
Маҳаллий расмийлар кўчаларни тозалашга киришиб кетди. Ҳаракатланишдаги ноқулайликлардан ташқари, қуруқ тиканаклар йирик ёнғинга сабаб бўлишидан ҳам хавотир олинмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter