Халқ депутатлари Самарқанд вилояти Кенгаши томонидан вилоятнинг 12 та кўча ва йўлларида транспорт тезлигини 70 дан 60 км/соатгача чеклаш таклифи маъқулланди. Бу ҳақдаги қарор 2 декабрдаги сессияда қабул қилинган. 

Вилоят ҳудудидан ўтувчи автомобиль йўллари ва кўчаларида ҳаракат хавфсизлигини таъминлаш мақсадида депутатлар томонидан қуйидаги участкаларда тезликни 60 км/соатгача камайтириш тасдиқланди:

— Сессияда депутатлар Самарқанд шаҳридаги М-37а Самарқанд ҳалқа йўлининг 40-43 километрлари оралиғида;
— Афросиёб, Даҳбед ва Гагарин кўчаларида;
— Каттақўрғон шаҳридаги Амир Темур, Самарқанд, У.Барноев кўчаларида;
— Ургут туманидаги 4Р-47 автомобил йўлининг 57-64 километрлари оралиғида;
— 4Р-50 «Тайлоқ-Ургут» автомобиль йўлининг 22-24 километрлари оралиғида;
— 4К-522 «Ургут – Почвон – Устахона» автомобиль йўлининг 0-2 километрлари оралиғида;
— Булунғур туманидаги 4Р-47 «Булунғур –Ургут М39» автомобиль йўлининг 0-5 километрлари оралиғида;
— Тайлоқ туманидаги А-377 «Самарқанд-Айний» автомобиль йўлининг 2-9 километрлари оралиғида Депутатлар тасдиқланган мазкур таклиф Йўл ҳаракати хавфсизлигини таъминлаш соҳасидаги республика комиссиясига тақдим этилади.

Аввалроқ Тошкентда транспорт воситаларининг ҳаракат тезлиги пасайтирилиши маълум қилинганди.