«Осиё тараққиёт банки ва Осиё инфратузилмавий инвестициялар банки иштирокида «Ўзбекистон Республикасида коронавирус COVID-19 инфекциясига қарши шошилинч чораларни кўриш» лойиҳасини амалга ошириш чора-тадбирлари тўғрисида»ги Президент қарори (ПҚ–5129-сон, 27.05.2021 й.) қабул қилинди.

Қарор билан «Ўзбекистон Республикасида коронавирус COVID-19 инфекциясига қарши шошилинч чораларни кўриш» лойиҳасининг мақсадли кўрсаткичлари тасдиқланди.

Унга кўра, жумладан:

• Халқаро стандартларга жавоб берувчи 7 та Миллий референс лаборатория яратилади;
• Санитария-эпидемиология хизматининг марказий аппарати, ҳудудий бошқармалари, туман (шаҳар) бўлимларида фаолият юритаётган 17 минг 554 нафар ходимнинг малакаси оширилади;
• 475 та санитария-эпидемиология хазмати муассасалари реконструкция қилинади, капитал таъмирланади ва жиҳозланади;
• COVID-19 инфекциясини аниқлаш учун тест ҳажми амалдаги кўрсаткичга нисбатан кўпайтирилиб, 500 мингта тест синовлари ўтказилади;
• республикада тез тиббий ёрдам хизматининг моддий-техник базасини янада мустаҳкамлаш учун 2021 йил 1 октябрга қадар 1 000 та тез тиббий ёрдам махсус автотранспорт воситалари харид қилинади.